Azərbaycan idmançısı dünya çempionatında ilk medalını qazanıb

19 May 2019 10:02 (UTC+04:00)

Azərbaycanın böyüklərdən ibarət taekvondo üzrə milli komandası Böyük Britaniyanın Mançester şəhərində keçirilən dünya çempionatında ilk medalını qazanıb. SİA-nın məlumatına görə, dünya çempionatının dördüncü günündə qadınların mübarizəsində milli komandamızın üzvü Fəridə Əzizova (67 kq) Kosta-Rika, İran və Fil Dişi Sahili yığmasının idmançılarına qalib gələrək yarımfinal mərhələsinə adlayıb. Lakin taekvondoçumuz yarımfinala vəsiqə qazansa da, son rəqibi keçilməz olub. F.Əzizova bu mərhələdə çinli idmançıya məğlub olaraq mundialda bürünc medalla kifayətlənib. Millimiz mayın 15-də start götürən mundiala on taekvondoçu ilə qatılıb.