PSJ-nin qapıçısı Canluici Buffon bu yay karyerasını başa vura bilər. İtaliya mətbuatına görə, 41 yaşlı qolkiper “Yuventus”a qayıtmaq istəyir. Ona sabiq klubunda vəzifə veriləcəyi bildirilir. İtaliyalı qapıçı PSJ ilə müqaviləni uzadacağı təqdirdə isə “Yuventus” onu 2020-ci ildə kluba dəvət edəcək. Qeyd edək ki, 2001-2018-ci illərdə “Yuventus”da çıxış edən Buffon Turin klubu ilə 11 titul qazanıb.