Kirilo Petrov mövsümü bitirdi

23 Aprel 2019 01:18 (UTC+04:00)

Topaz Premyer Liqasının 25-ci turunda "Sabah”la oyunun əvvəllərində zədələnərək əvəzlənən Kirilo Petrovun vəziyyətinə aydınlıq gəlib. Klubun saytında yer alan məlumata görə, tibbi baxışın nəticələrinə görə, ukraynalı müdafiəçi budun arxa qrup əzələlərinin gərilməsi diaqnozu ilə 3 həftə müalicə olunacaq. Bu isə o deməkdir ki, onun üçün bu mövsüm artıq başa çatıb. Beləliklə, Petrov ölkə çempionatında "Sumqayıt" (27 aprel), "Qəbələ" (5 may) və "Qarabağ"la (11 may) görüşləri buraxacaq. Qeyd edək ki, Kirilo Petrov bu mövsüm 24 oyunda meydana çıxıb.