İtaliyalı Sofiya Raffaelli gürzlə hərəkətlərdə birinci yeri tutub

21 Aprel 2019 14:05 (UTC+04:00)

İtaliyalı gimnast Sofiya Raffaelli bədii gimanstika üzrə II AGF Junior Trophy beynəlxalq turnirində gürzlə hərəkətlərdə 19.200 bal toplayaraq birinci yeri tutub. SİA-nın məlumatına görə, ikinci yerdə Rusiya təmsilçisi Sofya Aqafonova (18.600 bal), üçüncü yerdə isə İsrail təmsilçisi Asya Adi Kats (18.500 bal) qərarlaşıblar. Azərbaycanlı gimnast Nərminə Səmədova 17.400 bal toplayıb və beşinci sırada qərarlaşıb. Qeyd edək ki, Bakıda 20-21 aprel tarixlərində Milli Gimnastika Arenasında bədii gimnastika üzrə 2-ci AGF Junior Trophy beynəlxalq turniri keçirilir. Yarışda 20 ölkənin 130-a yaxın gənc bədii gimnastı iştirak edir. Dünya Kubokundan bir neçə gün öncə (26-28 aprel) keçiriləcək gənclərin yarışında Beynəlxalq Gimnastika Federasiyasının (FIG) qaydalarına əsasən, yalnız 2004-2006-cı il təvəllüdlü gimnastlar çıxış edir.