Türkiyə Silahlı Qüvvələrinin 4 hərbçisi şəhid olub.
SİA-nın Türkiyə xəbər agentliklərinə istinadən verdiyi xəbərə görə, qardaş ölkənin İraqla sərhədində qadağan olunmuş Kürd Fəhlə Partiyasının (PKK) terrorçuları ilə atışmada həlak olanlarla yanaşı, 6 hərbçi də yaralanıb.
Məlumatda bildirilir ki, Türkiyə Hərbi-Hava Qüvvələrinə məxsus qırıcı təyyarələr və quru qoşunları terrorçulara qarşı dərhal hərbi əməliyyatlara başlayıblar.
Regionda hərbi əməliyyatlar davam etdirilir.