İngiltərə Premyer Liqasında 35-ci turun ilk oyunu keçirilib.
SİA-nın məlumatına görə, çərşənbə günü UEFA Çempionlar Liqası turnirinin ¼ finalı çərçivəsində iki oyunun ümumi nəticəsinə görə “Tottenhem”ə məğlub olmuş “Mançester Siti” bu dəfə rəqibini öz meydanında İngiltərə Premyer Liqası çərçivəsində qəbul edib.
Oyun 1:0 hesabı ilə meydan sahiblərinin xeyrinə başa çatıb.
Bu qələbə ilə xallarının sayını 86-a çatdıran “Mançester Siti” liderlik mövqeyini möhkəmləndirib. Onu 85 xalla “Liverpul” izləyir.
“Tottenhem” isə 67 xalla 3-cü pillədə qalıb.