"Real" yeni mövsüm üçün transfer edib. Klubun saytında yer alan xəbərə görə, Madrid təmsilçisi "Portu"nun müdafiəçisi Edera Militaonu heyətinə qatıb. 21 yaşlı oyunçu ilə 2025-ci ilin iyununa kimi müqavilə imzalanıb. Müqaviləyə əsasən, o, yaydan komandaya qoşulacaq. La Liqa klubu bu transfer üçün 50 milyon avro təzminat ödəyəcək. Beləliklə, "Real"ın baş məşqçisi Zinəddin Zidan Madrid klubuna qayıdışından sonra ilk transferini edib.
Qeyd edək ki, E.Militao bu mövsüm Portuqaliya çempionatında 20 matçda 2 qol vurub.