“Azərbaycan Respublikasının qanunvericiliyinə uyğun olaraq Siyasi Partiyalar Haqqında Qanun partiyaların xaricdən və məlum olmayan hər hansısa mənbələrdən maliyyələşməsini qadağan edir”. Bunu SİA-ya açıqlamasında Prezident Yanında QHT-lərə Dövlət Dəstəyi Şurasının üzvü, SİM İB-nin sədri Anar Xəlilov deyib. Onun sözlərinə görə, bu qanun tək Azərbaycanda deyil bütün dünyanın əksər dövlətlərində mövcuddur: “Tam da olaraq demokratik tələblərə cavab verir. Bu qanun birinci növbədə dövlətin təhlükəsizliyinə xidmət edir. Son vaxtlar da AXCP və onun ətrafındakı şəxslərin xaricdən eləcədə, Rusiyada yaşayan bəzi azərbaycanlılarda maliyyə alması faktları ortaya çıxmışdır. Bu faktlar əlaqədar qurumlar tərəfindən araşdırılır. Əgər bu faktlar qanun çərçivəsində öz təsdiqini taparsa təbii ki, AXCP adlı partiyanın fəaliyyətinə qanuna uyğun olaraq qadağa qoyulacaqdır. Həmçinin maliyyə vəsaitini almış şəxslər haqqında da qanuna uyğun olaraq ölçü götürüləcəkdir. Bu Azərbaycan qanunlarına və dövlətimizin təhlükəsizliyinə uyğun olaraq ədalətli atılımış addım olacaqdır. Hesab edirəm ki, faktlar təsdiqini taparsa AXCP adlı partiyanın fəaliyyətinin dayandırılması tam mümkündür və bunu qanunlar tələb edir. Qanunun tələbi isə alidir və icra edilməlidir. Ümumiyyətlə bu gün Azərbaycana qarşı istər xaricdə, istərsə də onların əlaltıları vəsitəsilə daxildə çirkin oyunlar gedir. Bu qüvvələr bütün mümkün vasitələrlə Azərbaycanda stabilliyi pozmağa çalışırlar. Məhz buna görə də kimliyindən və ya hansı təşkilat olmağından asılı olmayaraq hər hansısa xarici dəstəkdən istifadə etməklə Azərbaycan dövlətçiliyinə qarşı təhlükə yaradılırsa buna qarşı qanuna uyğun olaraq sərt addımlar atılmalıdır”.
GÜLYANƏ