Qurumuş ağaclar yeniləri ilə əvəzlənib

25 Dekabr 2018 11:11 (UTC+04:00)

Ekologiya və Təbii Sərvətlər Nazirliyinin təşəbbüsü ilə payız ağacəkmə kampaniyası çərçivəsində Bakı şəhərində yaşıllıqların artırılması, onun estetik görünüşünün daha da gözəlləşdirilməsi, qurumuş ağacların yenisi ilə əvəzlənməsi aksiyası Binəqədi rayonunda davam etdirilib. Ekologiya və Təbii Sərvətlər Nazirliyinin mətbuat xidmətindən SİA-ya verilən məlumata görə, keçirilən aksiya zamanı Binəqədi rayon İcra Hakimiyyəti ilə birgə Biləcəri qəsəbəsində 4 qurumuş və təhlükə yaradan ağac yenisi ilə əvəzlənib, ərazidəki boş sahələrə 600 ədəd çinar və sərv ağacı əkilib.

Nazirlik aksiyalarda fəal iştirak edən hər kəsə təşəkkürünü bildirir və vətəndaşlardan xahiş edir ki, qurumuş və təhlükə yaradan ağaclarla bağlı Nazirliyin 168 nömrəli “Qaynar xətt” inə məlumat versinlər.