Bakıda turizm sahəsində ilk dəfə startup yarışı keçirilib FOTOLAR

19 Noyabr 2018 16:59 (UTC+04:00)

Bakıda ilk dəfə turizm mövzusunda "Startup Weekend" beynəlxalq müsabiqəsi keçirilib. SİA-nın məumatına görə, 3 gün davam edən müsabiqədə təlimçilərin (mentorların) dəstəyi ilə 60 iştirakçı turizm sahəsi üzrə innovativ fikirlərini peşəkar münsiflər heyətinə təqdim ediblər. Münsiflər heyətində Azər Qərib, Farhad Aşurbəyli və Azərbaycan Turizm Bürosunun Məhsulların yaradılması şöbəsinin müdiri İlkin Cavadov yer alıb.

Müsabiqə ASAN xidmətin “İnnoland” İnnovasiyalar və “Next Step” İnnovasiyalar Mərkəzinin, SUP startap akseleratorunun təşkilatçılığı, Azərbaycan Turizm Bürosu və “PASHA Travel” şirkətinin dəstəyi ilə baş tutub.

Qalib gələn 3 komanda (“Bakida”, “QR Taste”, “Travel2Culture”) sponsorlar tərəfindən dəyərli hədiyyələr qazanıb.