İrana daha bir zərbə: İraq hökuməti kürdlərlə razılaşır

9 Noyabr 2018 20:05 (UTC+04:00)

İraq hökuməti ilə İraq Kürd Muxtar Vilayəti arasında Kərkükdən neft ixracının yenilənməsinə dair razılıq əldə oluna bilər. Axar.az xəbər verir ki, bu məlumatı “Faynənşıl Tayms” qəzeti yayıb. Məlumata görə, razılaşmanın bu ay əldə olunması planlaşdırılır. Razılaşma nəticəsində İraqın ixrac etdiyi neft 400 min barrel arta bilər ki, bu da İran neftinin ixracının azalmasını kompensasiya edəcək.

Qeyd edək ki, Kərkükdən neft ixracı keçən ilin oktyabrında dayandırılıb.