"Qarabağ" qələbə qazandı, Azərbaycan 26-cı yerə yüksəldi

9 Noyabr 2018 18:19 (UTC+04:00)

Avropa Liqasının qrup mərhələsinin 4-cü turunun oyunlarından sonra UEFA reytinqi açıqlanıb. Qurumun rəsmi saytında yer alan xəbərə görə, keçirilən 24 qarşılaşma ilə cədvəldə müəyyən dəyişikliklər olub. Ukraynada “Vorskla”nı 1:0 hesabı ilə məğlub edən “Qarabağ” ölkəmizin aktivinə 0,500 xal yazdırıb. Bununla da Azərbaycan bir pillə irəliləyərək 26-cı yerə yüksəlib. Ölkəmiz xalını 19.000-ə çatdıraraq İsraili geridə qoyub.

Qeyd edək ki, siyahıya İspaniya başçılıq edir. İngiltərə 2-ci, İtaliya 3-cüdür.