Quba rayonunda küçədə naməlum kişi meyiti tapılıb. "Report"un Şimal bürosunun verdiyi məlumata görə, 1970-ci il təvəllüdlü İlham Firidun oğlu Əkbərovun meyiti yerli sakinlər tərəfindən aşkar edilib. Hadisə yerinə hüquq-mühafizə orqanlarının əməkdaşları cəlb edilib.
Meyit muayinə edilməsi üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Quba rayon şöbəsinə yerləşdirilib. Onun ölüm səbəbi hələlik məlum deyil. Faktla bağlı Quba Rayon Prokurorluğunda araşdırma aparılır.