Yay mövsümü başlayandan “Yaşıl çay” fermer təsərrüfatının yüksək aqrotexniki qaydada becərilmiş çay plantasiyalarına gələn xarici qonaqların sayı da artıb. SİA-nın məlumatına görə, avqustun 17-də Lənkəran Turizim Mərkəzinin direktoru İlqar Əzimovun müşayiəti ilə “Palmalayf” otelində məskunlaşan Rusiya Federasiyasının İvanovo və Nijni Novqorod şəhərlərindən bir qrup turist “Yaşıl çay” FT MMC-də olublar. Qonaqlara təsərrüfatın fəaliyyətindən, çayın becərilməsindən, emal prosesindən ətraflı məlumat verilib, turistləri maraqlandıran çoxsaylı suallar cavablandırılıb.
Səfərdən məmnun qalan turistlər sonda plantasiya önündə çoxlu şəkillər çəkdiriblər.
“Yaşıl çay”