Milli Məclisin deputatları Riqada seminarda iştirak edəcəklər

21 İyul 2018 09:45 (UTC+04:00)

Milli Məclisin deputatları – Latviya ilə parlamentlərarası əlaqələr üzrə işçi qrupunun rəhbəri Kamran Bayramov və qrupun üzvü Rüstəm Xəlilov Latviya Bələdiyyələr İttifaqının təşkilatçılığı ilə keçiriləcək seminarda iştirak etmək üçün iyulun 22-də Riqaya səfər edəcəklər.

Parlamentin mətbuat xidmətindən SİA-ya bildiriblər ki, seminar yerli özünüidarəetmə orqanları ilə bağlı yeni layihələrin həyata keçirilməsi, bu sahədə əməkdaşlığın inkişafı və təcrübə mübadiləsi məsələlərinə həsr olunub. Deputatlarımız müzakirələr zamanı çıxış edəcək, qeyd olunan məsələlər barədə fikirlərini açıqlayacaqlar.

Millət vəkilləri, eyni zamanda, Azərbaycan Ticarət Evinin açılış mərasiminə də qatılacaqlar.

Səfər iyulun 25-də başa çatacaq.