Ucarda intihar hadisəsi olub

13 İyul 2018 04:04 (UTC+04:00)

Ucarda intihar hadisəsi olub. APA-nın yerli bürosunun xəbərinə görə, hadisə rayonun Şilyan kəndində baş verib. Kənd sakini, 1954-ci il təvəllüdlü Tahirə Saleh qızı Nağıyeva özünü yaşadığı evin həyətindəki yardımçı tikilidən ot ipi ilə asaraq intihar edib.

Kənd sakinləri T. Nağıyevanın sakit təbiətli insan olduğunu deyirlər. Qadının hansı səbəbdən özünə qəsd etməsi hələlik məlum deyil. T. Nağıyeva müəllimə işləyib. Faktla bağlı Ucar Rayon Prokurorluğunda araşdırma aparılır.