Qanazlığı zamanı orqanizm lazım olan miqdarda oksigeni almır ki, bu da müxtəlif pozulmaların inkişafına təkan verir - immuniteti, ürəyi zəifədir, uşaqlarda inkişafın ləngiməsinə gətirib çıxardır və s.
Sizdə qanazlığı aşkar olunubsa, həkim təyin etdiyi müalicə ilə yanaşı təbii vasitələrdən də istifadə edə bilərsiniz. Bu müalicəninin effektliyini daha da artıracaq.
Qan üçün vacib olan müxtəlif minerallarla zəngin olan fındıq qanazlığı zamanı çox faydalıdır. Fındıqdan belə faydalı qarışıq hazırlaya bilərsiniz:
Bizə lazım olacaq:
- 200 qr təmizlənmiş fındıq
- 200 qr qara kişmiş
- yarım stəkan təbii bal.
Hazırlanması:
Fındıq kişmişlə birlikdə blenderdə əzilir, bal əlavə olunur, qarışdırılır. Hər gün bu qarışıqdan acqarına 2 x.q. (uşaqlar üçün 2 ç.q.) yeyin. Müalicə kursu - 14 gün. Qarışığı sərin yerdə saxlayın.