Əli Əhmədov: “Ermənistan prezidentinin Dağlıq Qarabağa səfəri qanunsuzdur”

14 İyun 2018 13:34 (UTC+04:00)

"Ermənistan prezidenti Armen Sarkisyanın ötən gün Azərbaycanın işğal altında olan ərazilərinə səfəri qanunsuzdur və bu qanunsuzluğa görə məhz o, məsuliyyət daşıyır". SİA-nın verdiyi məlumata görə, bunu Baş nazirin müavini, Yeni Azərbaycan Partiyasının (YAP) Sədr müavini - icra katibi Əli Əhmədov deyib.

Baş nazirin müavini bildirib ki, bu məsələ ATƏT-in Minsk qrupunu, eyni zamanda, Azərbaycan torpaqlarının geri qaytarılması üçün səy göstərən, bəyanatlar verən bütün dövlətləri də narahat etməlidir: “Əks halda, münaqişənin həll olunması üçün yol tapmaq çətin olacaq".

Ə.Əhmədov qeyd edib ki, vaxt gələcək, bu qanunsuzluğu törədənlər cavab verməli olacaqlar.

Qeyd edək ki, Ermənistan prezidenti Armen Sarkisyan iyunun 13-də işğal altındakı Dağlıq Qarabağa səfər edib.