Fikrimi uzaqlara,
Qədimlərə aparır.
Yüz il bundan əvvəlki,
O illərə aparır.
Bir vaxt səngiyən ocaq
Yenidən od qoparır,
Cumhuriyyət deyəndə!
Uğrunda qandan keçib,
Saysiz qurbanlar gedib.
Neçə-neçə qəhrəman
İgid cavanlar gedib.
Tarixə həkk olunan
Gör necə canlar gedib,
Cumhuriyyət deyəndə!
Şəhidlərin ruhuna
Əbədi məşəl yanır!
Hər kəs yanan alovun
Keşiyində dayanır,
Gecənin ortasında
Yatanlar da oyanır,
Cumhuriyyət deyəndə!
Müstəqiləm, azadam,
Dik tuturam başımı,
Qoruyuram hər zaman
Torpağımı, daşımı,
Heç bir qüvvə cəhd edib
Kəsə bilməz qarşımı,
Cumhuriyyət deyəndə!
Fərəhdən, həyəcandan
Uçunuram, əsirəm,
Hər dərdi, hər ələmi
Sevincimlə kəsirəm,
Göyün yeddi qatında
Dolanıram, gəzirəm,
Cumhuriyyət deyəndə!
Elə ki bayrağımız
Dalğalanır yanımda,
Arzular baş qaldırır,
Cövlan edir canımda,
Qaynayır, sakit axmır
Damarımda qanım da,
Cumhuriyyət deyəndə!
Ay, ulduz bəzək verir
Bu üçrəngli bayrağa,
Önündə baş əydikcə
Ürəklər dönür dağa,
Balacadan böyüyə
Millət qalxır ayağa,
Əziz Prezidentimiz –
Cənab İlham Əliyev
Cumhuriyyət deyəndə!
Azərbaycan deyəndə!
Azərbaycan deyəndə!!!
MUNİS
Bakı, 12 may 2018-ci il