Bakıda və Abşeron yarımadasında tozun miqdarı azalmağa başlayıb. Bu barədə SİA-ya Ekologiya və Təbii Sərvətlər Nazirliyindən məlumat verilib. Bildirilib ki, havanın keyfiyyətini ölçən avtomatik və stasionar monitorinq stansiyalarından alınan məlumata görə, aprelin 19-u saat 15:00-da Bakı və Abşeron yarımadasında tozun miqdarı sanitar normadan 35 faiz yuxarı olduğu qeydə alınıb.
Xatırladaq ki, saat 12:00-da bu göstərici 37 faiz təşkil edirdi.