Türk ordusu strateji qəsəbəyə girib

17 Mart 2018 02:42 (UTC+04:00)

Türkiyə Silahlı Qüvvələri və Azad Suriya Ordusu Afrinin strateji nöqtəsi sayılan, şəhərin su və elektrik ehtiyacını qarşılayan Meydanki su anbarının yerləşdiyi qəsəbəyə daxil olmağı bacarıb. Axar.az xəbər verir ki, müttəfiq qüvvələr bu əməliyyatdan sonra Muhabbebe kəndinə də daxil olmağa cəhd edib.

Qeyd edək ki, YPG-çilərin Meydanki qəsəbəsinin ətrafına torpaq bəndlər çəkməsi türk ordusu və müxaliflərin əməliyyatını xeyli çətinləşdirib.

Lakin buna baxmayaraq, tərəflər arasında baş verən şiddətli atışmalardan sonra terrorçular geri çəkilməyə məcbur olub.