Bu gün 40 minə yaxın şagirdin imtahanıdır

11 Mart 2018 09:35 (UTC+04:00)

Dövlət İmtahan Mərkəzi (DİM) bu gün 27 şəhər və rayonda 9-cu sinif şagirdləri üçün buraxılış imtahanının birinci mərhələsini keçirir. SİA-nın DİM-ə istinadən verdiyi məlumata görə, bu gün imtahanda 39496 nəfər 9-cu sinif şagirdinin iştirakı nəzərdə tutulur.

Onlardan Sumqayıt şəhərində 4416, Abşeron rayonunda 3842, Gəncə şəhərində 3365, Daşkəsən rayonunda 280, Göygöl rayonunda 877, Samux rayonunda 676, Şamaxı rayonunda 944, Naftalan şəhərində 88, Goranboy rayonunda 1320, Yevlax şəhərində 1397, Şəki şəhərində 2045, Qəbələ rayonunda 1343, Oğuz rayonunda 561, Bərdə rayonunda 2200, Ağdam rayonunda 929, Tərtər rayonunda 886, Kürdəmir rayonunda 1203, Zərdab rayonunda 611, Ağsu rayonunda 681, İmişli rayonunda 1252, Sabirabad rayonunda 1799, Biləsuvar rayonunda 1387, Saatlı rayonunda 1019, Lənkəran şəhərində 2282, Astara rayonunda 1283, Xaçmaz rayonunda 2112, Şabran rayonunda 698 nəfər qeydiyyatdan keçib.

İmtahan saat 11:00-da başlanır.

IX sinif şagirdlərinin buraxılış imtahanlarının birinci mərhələsinin keçirilməsi üçün qeyd olunan şəhər və rayonlarda ümumilikdə 87 imtahan mərkəzi, imtahanların idarə olunmasına isə 277 imtahan rəhbəri, 3355 nəzarətçi‑müəllim ayrılıb.