Bakıda "İrimiqyaslı idman yarışlarının keçirilməsinin ölkəyə faydaları" mövzusunda konfrans keçirilir. SİA-nın məlumatına görə, Heydər Əliyev Mərkəzində təşkil edilən tədbirin mövzusu turizm və idmanın inkişafına dair ölkənin gələcəyinə baxış, "Formula-1" üzrə Azərbaycan Qran Prisinin iqtisadi və sosial təsirləri, eləcə də biznes imkanlarının müzakirəsidir.
Konfransda gənclər və idman naziri Azad Rəhimov, mədəniyyət və turizm naziri Əbülfəs Qarayev, "Formula 1 Group" şirkətinin baş icraçı direktoru Çeys Kerri, Azərbaycan Hava Yolları QSC-nin vitse-prezidenti Eldar Hacıyev, "Formula-1" üzrə Azərbaycan Qran Prisinin promoteri Arif Rəhimov, "PwC" şirkətinin Azərbaycan üzrə idarəedici partnyoru Mövlan Paşayev, "Formula One Management" şirkətinin Təşkilati və İşgüzar Əlaqələr üzrə baş direktoru Kloy Target-Adams, Azərbaycandakı Amerika Ticarət Palatasının icraçı direktoru Natəvan Məmmədova, "Eurodesing" şirkətinin Kommersiya Departamentinin direktoru və digər şəxslər iştirak edirlər.