Abşeron rayonunda mənzildən külli miqdarda pul və qızıl zinət əşyaları oğurlayan şəxs yaxalanıb. Daxili İşlər Nazirliyindən SİA-ya verilən məlumata görə, oğurluq etdiyinə görə tutulmuş Ramin Həmidovla bağlı Baş Cinayət Axtarışı İdarəsi və Abşeron RPİ-nin əməkdaşları tərəfindən aparılmış əməliyyat tədbirləri ilə onun yanvarın 2-də rayon ərazisindəki evlərin birindən 7850 manat və 3930 manat dəyərində qızıl əşyalar oğurlaması da müəyyən edilib.