AZTA rəhbərliyi ofisində Misirin Cənubi Sinay əyalətinin qubernatoru Xalid Fudə Siddiqin başçılıq etdiyi nümayəndə heyətini qəbul edib. Nümayəndə heyətinə Misirin Ədliyyə Nazirliyinın təftiş müşaviri Vəlid Fövzi əs-Subəi, “Air Cargo” şirkətinin idarə heyətinin rəhbəri Yasir Yəhya Məhəmməd, “Maksima” turizm şirkətinin rəhbəri Amir Məhəmməd İsmayıl, “Shams” otellər qrupunun idarə heyətinin sədri Muteyyi Mahmud İsmayıl, “İtaly-Egypt Air” şirkətinin baş meneceri İsam Əbdül Gəni daxil idilər. Görüşdə Misirin Azərbaycandaki səfiri xanım Suzan Cəmil də iştirak etdi.
SİA-nın məlumatına görə, Cənubi Sinay əyalətinin qubernatorunun rəhbərlik etdiyi nümayəndə heyəti ilə görüşdə AZTA ilə sıx əməkdaşlığın perspektivləri müzakirə olunub. Assosiasiya rəhbərliyi hazırda Azərbaycan turistləri arasında Misirdə məlum olan siyası hadisələrdən sonra təhlükəsizliyin bərqərar olduğunu və bu barədə geniş məlumatlandırma tədbirlərinin aparılmasının vacibliyini qeyd etdi. Assosiasiya bu tədbirlərin həyata keçirilməsində Misir tərəfinə yardım etməkdə hazır olduğunu bildirdi. Tərəflər birgə infoturların, work-shop və B2B görüşlərin keçirilməsi barədə razılığa gəldilər, birbaşa uçuşların sayının artırıılmasının vacıbliyini qeyd etdilər. Birgə fəaliyyətin nəticəsi olaraq Azərbaycan Turizm Assosiasiyasının üzvlərinə individual və qrup şəklində sadələşdirilmiş viza verilməsi barədə razılığa gəldilər.
Görüşün sonunda Misirin Cənubi Sinay əyalətinin qubernatoru Xalid Fudə Siddiq Şarm əş-Şeyxin simvolik açarını Azərbaycan Turizm Assosiasiyasının idarə heyətinin üzvü Göydəniz Qəhrəmanova təqdim etdi.