Qeyd edək ki, Braziliyada həftəsonu quldurların hədəfinə ilk olaraq “Mercedes” komandası tuş gəlib. Komandanın mikroavtobusuna silahlı hücum edən cinayətkarlar “Mercedes”in əməkdaşlarının dəyərli əşyalarını oğurlayıblar.Formula 1 üzrə Braziliya Qran Prisində həftəsonu baş verən 5 quldurluq hadisəsindən sonra İnterlaqosda “Pirelli” şirkətinin planlaşdırdığı təkər testi tədbiri təhlükəsizlik yetərincə qorunmadığı üçün təxirə salınıb. SİA-nın məlumatına görə, “Pirelli” bu həftə “McLaren” komandası ilə 2018-ci il çempionatı üçün təkərləri test etməyi və bu tesin nəticələrinə görə yeni təkər növünü müəyyənləşdirməyi planlaşdırmışdı. Ancaq onların arzusu ürəyində qalıb. Belə ki, quldurluq hadisələrinin qarşısının alınmasında çətinliyin olduğunu görən təşkilatçılar planlarını təxirə salıblar.
Qeyd edək ki, Braziliyada həftəsonu quldurların hədəfinə ilk olaraq “Mercedes” komandası tuş gəlib. Komandanın mikroavtobusuna silahlı hücum edən cinayətkarlar “Mercedes”in əməkdaşlarının dəyərli əşyalarını oğurlayıblar.
Sonra isə “Sauber”, “Williams” və Beynəlxalq Avtomobil Federasiyası (FIA) ilə yanaşı, “Pirelli” şirkətinin əməkdaşlarını daşıyan avtomobillərə hücumlar olub.
İtaliya şirkətindən testin təxirə salınması haqda açıqlama verilib: “Ötən bazar günü “Pirelli” şirkətinin avtomobilinə hücum cəhdi və komandaların əməkdaşlarının soyulması noyabrın 14-15-də keçirmək istədiyimiz təkər testini təxirə salmağımızla nəticələndi. Bu qərar “McLaren”, FIA ve F1 ilə birlikdə verilib. Biz təhlükəsizliyi düşünmək məcburiyyətindəyik”.