Sabirabad rayonunda ağır yol-nəqliyyat hadisəsi baş verib. Məlumata görə, rayonun Bulaqlı kəndi ərazisində kiçik tutumlu yük maşını ilə iri tutumlu yük avtomobili toqquşub. Nəticədə Saatlının Bəylik kənd sakinləri - 45 yaşlı Əli Abdullayev və 27 yaşli Elmar Abdullayev xəsarət alıblar.
Əli Abdullayev xəstəxanaya aparılarkən yolda ölüb. Elmar Abdullayev isə Sabirabad rayon xəstəxanasına yerləşdirilib. Faktla bağli araşdırma aparılır.