Türkiyədə polis avtobusunun yaxınlığında partlayış törədilib

17 Oktyabr 2017 20:17 (UTC+04:00)

Türkiyənin Aralıq dənizi sahillərində yerləşən Mersin şəhərində polis avtobusunun yaxınlığında partlayış törədilib. Türkiyə mətbuatının yazdığına görə, insident Yeni Şəhər məhəlləsinin Okan Merzeçi bulvarında qeydə alınıb.

İlkin məlumata görə, terror aktı hesab olunan partlayış nəticəsində 12 nəfər yaralanıb. Hadisə yerinə təcili yardım maşınları, yanğınsöndürənlər və polislər gəlib.