Oktyabrın 16-dan noyabrın 11-dək Fransanın Reyms şəhərində “Sunnyside” caz festivalı (Sunnyside Reims Festival) keçiriləcək.
Festivalın saytında yer alan xəbərə görə, Azərbaycanın Əməkdar Artisti İsfar Sarabski festival çərçivəsində noyabrın 5-də solo konsert proqramı ilə çıxış edəcək. Bu barədə məlumat tanınmış pianoçunun “facebook” səhifəsində də yer alıb.
“Sunnyside” caz festivalı “Jazzus Productions” tərəfindən təşkil edilir. 2011-ci ildə yaradılmış bu şirkət caz tədbirlərinin təşkili sahəsində fəaliyyət göstərir.