“Azadlıq” və “Yeni Müsavat” qəzetləri siyasi qüvvələrin məqsədlərinə xidmət edir

Elçin Mirzəbəyli: “Azadlıq” və “Yeni Müsavat” qəzetlərinin didişməsinin əsas mahiyyəti siyasi maraqların toqquşması ilə bağlıdır"

“İstər “Azadlıq” qəzeti, istərsə də “Yeni Müsavat” qəzeti konkret siyasi qüvvələrin məqsədlərinə xidmət edir. Xüsusilə də “Azadlıq” qəzeti Azərbaycanda anti-demokratik prinsiplərin əsasında dayanan, böhtançılıq və şər yaxmaqla məşğul olan “mətbu” orqanıdır”. Bu fikirləri SİA-ya “Xalq Cəbhəsi” qəzetinin baş redaktoru Elçin Mirzəbəyli adıçəkilən iki müxalifət qəzetinin arasında baş verən qalmaqallara münasibət bildirərkən deyib.

E.Mirzəbəyli vurğulayıb ki, “Azadlıq” qəzetini mətbuat orqanı adlandırmaq yanlışdır: “Bu qəzet Əli Kərimlinin “divar qəzeti”dir. “Azadlıq” qəzeti üçün obyektiv həqiqət deyilən anlayış yoxdur. Onlar üçün yalnız Əli Kərimlinin gözləri ilə gördüyü “həqiqətlər” var. O da hər şeyi ağ-qara şəkildə görür”.

“Xalq Cəbhəsi” qəzetinin baş redaktorunun sözlərinə görə, ortada olan stiuasiyanın əsas mahiyyəti bilavasitə siyasi maraqların toqquşması ilə bağlıdır: “Bu qəzetlər arasında baş verən didişmə uzun müddətdir davam edir. Vaxtı ilə bu qəzetlər bir-birlərinin səhifələrində olan materialların qiyməti ilə bağlı hesabat aparırdılar. Yazdıqları şantaj xarakterli yazıya görə nə qədər vəsait ala biləcəklərini müzakirə edirdilər. Yəni, onlar hər zaman bu kimi hərəkətlərlə özlərini ifşa edirlər”.

Elvin Abdulqədirov

Şərh yaz