Sumqayıt Kimya Sənaye Parkı ərazisində “Azərtexnolayn” MMC-nin polad boru zavodu açılıb

Oktyabrın 3-də Sumqayıt Kimya Sənaye Parkı ərazisində "Azərtexnolayn" Məhdud Məsuliyyətli Cəmiyyətinin polad boru zavodunun açılışı olub.

Azərbaycan Respublikasının Prezidenti İlham Əliyev açılışda iştirak edib.

Azərbaycanda son dövrlərdə neftdən əldə edilən gəlirlərin qeyri-neft sektorunun inkişafına yönəldilməsi istiqamətində çox mühüm və ardıcıl layihələr həyata keçirilib. Dövlətimizin başçısının müvafiq fərmanları ilə texnoparkların yaradılması, bu texnoparklarda müasir istehsal sahələrinin istifadəyə verilməsi ölkə iqtisadiyyatının gücləndirilməsinə, rəqabətə davamlı və keyfiyyətli məhsulların istehsal edilməsinə geniş imkanlar açıb. Sumqayıt Kimya Sənaye Parkının ərazisində ilk sərmayəçi olan "Azərtexnolayn" Məhdud Məsuliyyətli Cəmiyyətinin polad boru zavodu bu baxımdan mühüm əhəmiyyətə malikdir. Bu cür müasir istehsal müəssisələrinin istifadəyə verilməsi ölkə sənayesinin inkişafını daha da sürətləndirəcək. Belə müəssisələr həm də rəqabətədavamlı məhsul istehsal etməklə Azərbaycanda gedən iqtisadi inkişaf proseslərinə mühüm töhfə verir, bununla da son illərdə ölkəmizdə həyata keçirilən iqtisadi islahatların uğurlarına təminat yaratmış olur. Digər tərəfdən bu cür müəssisələr ölkədə iqtisadi inkişaf strategiyasının mühüm komponentlərinin daha keyfiyyətlə və uğurla icrasına təminat verir.

Prezident İlham Əliyev ərazinin maketinə baxdı. Bildirildi ki, polad boru zavodundan əlavə yaxın zamanda burada mexaniki və hidrotexniki avadanlıq zavodları istifadəyə veriləcək.

Dövlətimizin başçısına polad boru zavodunun iqtisadi-texniki göstəriciləri barədə məlumat verildi. Bildirildi ki, burada müxtəlif diametrli polad borular istehsal ediləcəkdir. Layihəyə uyğun olaraq zavodda Türkiyə, Almaniya, İtaliya və Çin texnologiyası əsasında ildə 100 min ton polad borular istehsal olunacaq. Burada hazırlanacaq polad borular xam neft, təbii qaz və su xətlərinin çəkilişində, neft emalı zavodlarında, sənaye boru xətti şəbəkələrinin yaradılmasında, polad konstruksiyaların yığılmasında istifadə olunacaq.

Prezident İlham Əliyevə mexaniki və hidrotexniki avadanlıq zavodlarının texniki göstəriciləri və burada istehsal olunacaq məhsullar barədə geniş məlumat verildi.

Dövlətimizin başçısı zavodu işə saldı.

Prezident İlham Əliyev istehsal prosesi ilə tanış oldu. İlkin mərhələdə xammal kimi alınmış 30 tonluq rulonlar tam avtomatik olaraq spiral qaynaq aparatına bağlanılır və rulonlar açılıb ütülənərək bükülməyə verilir. Qaynaq prosesi bitdikdən sonra boru xüsusi müayinədən keçir. Sonrakı mərhələdə boru hidrotest vasitəsilə yoxlanılır. Zavodda məhsulun keyfiyyətini tam yoxlamaq üçün rentgen müayinəsi aparatı da quraşdırılıb. Sonra boru üzərindəki pas və çirkdən təmizlənmək üçün qumlama və boyama bölmələrinə ötürülür.

Zavodda istehsal olunacaq boruların diametri 400-2000 millimetr, qalınlığı 6-25 millimetr, uzunluğu isə tələbata uyğun olaraq 6-16 metr arasında dəyişəcək. Zavodda 2 spiral boru istehsal xətti quraşdırılmışdır. Burada ildə 75 min ton müxtəlif diametrli polad borular, 60 min ton müxtəlif diametrli və yüksək təzyiqə davamlı hidrotexniki avadanlıq və 12 min ton xüsusi təyinatlı müxtəlif diametrli polietilen boruların istehsalı nəzərdə tutulub. Ümumi sahəsi 27 min kvadratmetr olan müəssisədə ABŞ, Almaniya və Türkiyə istehsalı olan müasir avadanlıq quraşdırılıb. Zavodun məhsulları Azərbaycan təbii qazının və suyunun nəqlini yüksək səviyyədə həyata keçirməyə imkan verəcək.

Diqqətə çatdırıldı ki, zavodda 500 nəfər işlə təmin olunacaq. Burada istehsal edilən polad və polietilen borular əsasən daxili bazarda olan tələbatın ödənilməsinə yönəldiləcək. Bu tələbat tam ödənildikdən sonra istehsal olunan boruların xaricə, o cümlədən Rusiyaya, Qazaxıstana, Gürcüstana, Türkmənistana və digər ölkələrə ixrac edilməsi planlaşdırılır.

Cahid Vəlibəyli
Yusif
05:07 24.07.2014

Hal hazırda işə necə qəbul olmaq olar

Yusif
05:07 24.07.2014

Salam mən işə qəbul olmaq istəyirəm.Və iş stajım 5 ildi

tural
17:11 23.07.2014

men 7 il tokar islemisem.basqa ne isi olur olsun islemeye haziram.050-426-30-06

Gullu Hasanova
15:17 25.06.2014

Salam.Men Iqtisad Universitetini bitirmisem.30 yasim var.Karguzarliq isinde tecrubem var.Isde cox qetiyyetli ve ozume guvenen biriyem.Uzun meddet universitetlerden birinde islemisem.Ozel firmalardan birinde bir il satis meneceri islemisem. Indi Sumqayitda yasayiram ve burada da islemek isteyirem. Eger isini bilen birine ehtiyaciniz olarsa xahis edirem elaqe saxlayin

elgun
22:02 29.04.2014

Meni isle temin edin 0556560646

Elnur
15:16 14.03.2014

salam men iwe qebul olmaq isteyirem aperator iwlemiwem .men ne ede bilerem?

Vüsal
22:01 20.02.2014

Salam mən ilməkci ixtisasi üzrə kursu bitirmişəm.İxtisas kamisiyasinin qərarina görə mənə 4-cü dərəcəli İLMƏKCİ ixtisasi verilmişdir ( SERTİFİKAT№i-285). MƏN HƏMDƏ AZƏRBAYCAN DÖVLƏT İQTİSADİYAT UNİVERSİTETİNİ ƏMTƏƏŞUNASLIQ FAKULTƏSİNİN BİTİRMİŞƏM.

vusal
16:21 20.02.2014

sumqayit dovlet unversitetin fizika ve elektro energetika fakultesin bitirmisem ixtisasca fizikem ise duzelmek isterdim xais edirem menim isle temin olunmagima komek edesiniz.cox sagolun tesekkur edirem.

Elnur Ibrahimli
12:39 31.01.2014

Men evvel burda isdemisem geri qayitmaq mumkundun goresen indi

elnur
18:36 31.12.2013

salam mexanik ve cilingerem.isimde deqiq ve mesuliyyetidyem .is axtariram.0558394853

tural
12:09 13.12.2013

salam.adim tural.sumqayitda qaliram.7 il tornaci islemisem, yeni tokar.hal hazirda islemirem.imkan varsa menide tokar isi ile temin edesiz tesekkur edirem.0504263006

Behruz
20:17 28.11.2013

Men muhendusem.37 yasim var.Istehsalat tecrubem boyukdur.Xahis edirem menim isle temin olunmagima komeklik edin.

İlham
11:48 14.10.2013

Mən uzun müddət tikişsiz boru istehsalı zavodunda "Azərboru"-ASC işləmişəm. İxtisasım mühəndis-mexanik, iş təcrübəm; çilingər,usta,baş usta, sex mexaniki,rəis muavini,zavodun avadanlıq üzrə-rəis muavini,baş mexanikin muavini,mexaniki-alət sexinin rəisi,hidravlik üzrə mütəxəsis

mehman
00:41 09.10.2013

CV yazmaq ucun her hansi bir emayl varsa yazardiniz.

mehman
00:41 09.10.2013

imkan varsa iwe duzelmek ucun kime muraciet etmek lazimdisayazardiniz..
zehmet olmasa

aydan
23:10 03.10.2013

bu arada size ugurlar.

aydan
23:10 03.10.2013

bos vakansiya yerleri varmi? ise duzelmek ucun kime ve nece muraciet etmek lazimdir?

Şərh yaz