Çexiya HHQ-nə 12 döyüş helikopterinin alınması üçün bu ilin sonuna qədər ABŞ-la müqavilə imzalanacaq

Çexiya Hərbi Hava Qüvvələrinə (HHQ) 12 döyüş helikopterinin alınması üçün bu ilin sonuna qədər ABŞ-la müqavilə imzalayacaq.

SİA “TASS” agentliyinə istinadən xəbər verir ki, bu barədə ölkənin müdafiə naziri Lubomir Metnar açıqlama verib.

“12 helikopterin alınması üçün 14,6 milyard kron (təxminən 700 milyon dollar) dəyərində müqavilə 2019-cu ilin sonuna qədər imzalanmalıdır. Çexiya Hərbi Hava Qüvvələri helikopterləri 2023-cü ildə əldə edəcək”, - nazir belə deyib.

Onun sözlərinə görə, söhbət 8 çoxməqsədli “UH-1 Venom” və 4 hücum xarakterli “AH-1 Viper” helikopterindən gedir.

Vaşinqtondan Praqaya edilən təklifə helikopterlərin quraşdırılmış silah sistemləri və tam texniki avadanlıqla təmin edilməsi də daxildir.

Bütün xəbərlər Facebook səhifəmizdə

loading...