Ard-arda iki güclü zəlzələ olub Türkiyədə

Türkiyənin Çankırı bölgəsində Rixter cədvəli üzrə 4.7 və 4.8 bal güclərində iki zəlzələ baş verib. SİA-nın türk mediasına istinadən məlumatına görə, sentyabrın 14-də Türkiyə vaxtı ilə saat 09.00-da və 09.03-də ard-arda iki güclü yeraltı təkan baş verib. Təkanların episentri Çerkeş rayonunda qeydə alınıb. İlk yeraltı təkan 13,66 kilometr, ikinci təkan isə 4,13 kilometr dərinlikdə meydana gəlib.

Yeraltı təkanlar Ankarada və ətraf rayonlarda da hiss olunub. Hələlik dağıntı və tələfatın olmadığı bildirilir.

Bütün xəbərlər Facebook səhifəmizdə

loading...