Avropa Komissiyasının sədri səhhəti ilə əlaqədar tətilini dayandırıb

Avropa Komissiyasının sədri Jan-Klod Yunker Avstriyadakı tətilini dayandırıb. SİA-nın "TASS"a istinadən verdiyi xəbərə görə, bu barədə şənbə günü Avropa Komissiyasının mətbuat xidməti məlumat yayıb: "Prezident Yunker səhhətindəki problemlə əlaqədar Avstriyadakı tətilini dayandırmaq məcburiyyətində qalıb. O, öd kisəsində yaranan kəskin ağrı səbəbindən Lüksemburqdakı xəstəxanalardan birində əməliyyat olunacaq". Qeyd edək ki, 64 yaşlı Jan-Klod Yunkerin Avropa Komissiyasının rəhbəri vəzifəsi müddəti oktyabrın 31-də başa çatacaq. Onu alman xanım Ursula von der Leyen əvəz edəcək.

Bütün xəbərlər Facebook səhifəmizdə

loading...