Arktika tarixinin ən yüksək temperaturu qeydə alınıb

Qütb dairəsi arxasındakı meteostansiya Arktikada tarixin ən yüksək temperaturunu müəyyən edib.

SİA “nat-geo.ru” saytına istinadla xəbər verir ki, Milli Okean və Atmosfer Tədqiqatları Administrasiyasının (NOAA) məlumatına görə, İsveçdə, Qütb dairəsindən şimalda yerləşən meteoroloji stansiyada iyul ayında Arktika regionu üçün rekord temperatur – 34,8 dərəcə Selsi (94,6 dərəcə Farengeyt şkalası ilə) isti qeydə alınıb.

Rekord temperatur iyulun 26-da Qütb dairəsinin cənub kənarında yerləşən, İsveçin kiçik Markusvins istehkamında müəyyən edilib. İqlimşünas Dik Arndt bəyan edib ki, bu göstəricilər İsveç Meteoroloji İnstitutu tərəfindən təhlil edilib və yoxlanılıb.

Şimal Buzlu Okeanında buzların sahəsi 19,8 faiz azalıb. Bu, 2012 və 2015-ci illərdə qeydə alındığından da çoxdur. Həmin dövrdə də rekord temperaturlar müəyyən edilmişdi.

İqlimşünas Robert Rode bildirib ki, 90 faiz ehtimalla 2019-cu il müşahidələr dövrü tarixində yalnız 2016-cı ildən geri qalaraq ikinci ən isti il olacaq.

Bütün xəbərlər Facebook səhifəmizdə

loading...