Rusiyada təyyarənin sərt enişi iki nəfərin xəsarət alması ilə nəticələnib

Rusiyanın Moskva vilayətinin Solneçnoqorsk dairəsində yüngülmühərrikli təyyarə sərt eniş edib.

SİA “RİA Novosti”yə istinadən xəbər verir ki, bu barədə Rusiya FHN-nin mətbuat xidməti məlumat yayıb. Bildirilir ki, Klimovo və Timofeyevo kəndləri arasında uçuş həyata keirən təyyarə boş sahəyə məcburi eniş edib. Sərt eniş nəticəsində, ilkin məlumata görə, 2 nəfər xəsarət alıb.

Eniş zamanı hər hansı yanğın baş verməyib. Hadisə yerinə polis və xilasedicilər cəlb olunub.

Bütün xəbərlər Facebook səhifəmizdə

loading...