Meksikadakı vulkan 5 kilometr hündürlüyə kül püskürüb

Meksika paytaxtının yaxınlığında Popokatepetl vulkanı 5 kilometr hündürlüyə kül püskürüb. Bu barədə ölkənin Milli Mülki Müdafiə İdarəsi öz “Twitter” səhifəsində məlumat yayıb.

SİA xarici kütləvi informasiya vasitələrinə istinadən xəbər verir ki, məlumatda vulkanın Mexiko əhalisi üçün təhlükəli olmadığı bildirilir.

Mexikodan 70 kilometr məsafədə yerləşən Popokatepetl Meksika ərazisində ən böyük və aktiv vulkanlardan biridir. Xatırladaq ki, bu ilin aprel ayında Meksika Mülki Müdafiə Qüvvələrinin milli əlaqələndiricisi David Leon vulkanın püskürmə imkanını istisna edib.

Bütün xəbərlər Facebook səhifəmizdə

loading...