Paşinyan rus gəncləri İrəvanda gizli çevrilişə hazırlayır?

Nikol Paşinyanın adamları İrəvanda Rusiyadan olan gənclərə çevriliş təşkil etməklə bağlı təlim keçirlər. Axar.az xəbər verir ki, bu barədə Rusiyanın “Birinci kanalı” xüsusi reportaj hazırlayıb. Belə ki, gənclərin hazırlanması ilə bağlı maliyyənin ABŞ tərəfindən ayrıldığı müəyyən olunub. İrəvanda təlimə xüsusilə Sankt-Peterburqdan olan küçə aktivistləri cəlb olunublar. Təlim ümumilikdə dörd gün keçirilib və gənclərə etiraz mexanikası, təsir altına salmaq taktikası öyrədilib.

Gənclərə təlimi Ermənistandakı "məxməri inqilab"ın əsas iştirakçıları keçiblər. Qeyd edək ki, seminarlar uzun müddət məxfi şəkildə təşkil edilib. Onlar haqqında məlumat RT-nin gizli çəkilişindən sonra ortaya çıxıb.

Bütün xəbərlər Facebook səhifəmizdə

loading...