Ermənistanda bəzi nazirliklər ləğv ediləcək

Ermənistanda mövcud olan 17 nazirlik hökumətin yenidən qurulması nəticəsində 12-yə enəcək. “Report” Ermənistan KİV-inə istinadən xəbər verir ki, yaxın vaxtlarda müzakirəyə çıxarılacaq “Ermənistan Respublikası hökumətinin quruluşu və fəaliyyəti haqqında” qanuna əlavə və dəyişiklik layihəsinə görə, həmçinin baş nazirin birinci müavini vəzifəsini ixtisar etmək nəzərdə tutulur.

Yerli KİV bu vəzifənin vaxtilə prezident Serj Sarqsyan tərəfindən keçmiş baş nazir Karen Karapetyan üçün məxsusi təsis edildiyini yazır.

Bununla yanaşı, Diaspor Nazirliyi ləğv edilməklə bərabər, nəqliyyat, enerji və dövlət əmlakına nəzarət edəcək İnfrastruktur və Dövlət Əmlakı Nazirliyinin yaradılacağı qeyd olunur.

Bütün xəbərlər Facebook səhifəmizdə