Qvatemalada püskürən Fueqo vulkanına yaxın ərazilərdən son saatlar ərzində azı 2995 sakin təxliyyə olunub. “Report” “Prensa Libre” nəşrinə istinadən xəbər verir ki, yaxından keçən böyük avtomobil yolu bağlanıb.
Daha əvvəl Milli Təbii Fəlakətlərin Nəticələrinin Aradan Qaldırılması Xidməti (Coordinadora Nacional Para la Reduccion de Desastres - CONRED) vulkanın püskürməsi ilə bağlı “qırmızı” təhlükə elan edərək Eskuintla, Çimaltenanqo, Sakatepekes departamentlərinin yerli hakimiyyətlərini və bələdiyyələrini əhalinin təxliyyəsinə başlamağa çağırmışdı. Xatırladaq ki, bu il iyun ayında Fueqo vulkanının güclü püskürməsi nəticəsində 160-dan artıq insan ölüb, təqribən, 1,7 milyon sakin ziyan çəkmişdi.
Bütün xəbərlər Facebook səhifəmizdə
USD
EUR
GBP
RUB