Avstraliyada turistlər kimsəsiz adada qalıblar

Dörd nəfər turistdən ibarət qrup avadanlığın yığıldığı hava doldurulmuş sal vasitəsilə Avstraliyanın Kvinslend ştatındakı kimsəsiz Qloster adasına üzüblər. News.com.au saytı xəbər verir ki, salda deşik olduğuna görə o, tezliklə batıb.

Turistlərin köməyinə Qloster adasında rabitənin olması çatıb və onlar sosial şəbəkələr vasitəsilə köməyə ehtiyacları olduqlarını bildiriblər.

“Bu, yəqin ki, çoxlarına axmaqlıq kimi gələ bilər, lakin mən və üç dostum Erli-Biç şəhərinin yaxınlığında ilişib qalmışıq. Bizim səfər üçün nəzərdə tutulan avadanlığın toplandığı hava doldurulmuş salda deşik əmələ gəldiyinə görə o batıb. Əgər yaxınlıqda kimsə varsa, bizə kömək etsin. Biz ödəniş etməyə də hazırıq”, - deyə qrup üzvlərindən biri “Facebook” səhifəsində yazıb.

Səyyahlar ertəsi gün səhər xilasedicilər tərəfindən xilas ediliblər.

Bütün xəbərlər Facebook səhifəmizdə