16 il eyni mahnıya qulaq asan qadın həbs olunub

16 ildir eyni musiqini dinləyən Eva N. adlı qadın həbs olunub. Qaynarinfo.az xəbər verir ki, maraqlı hadisə Slovakiyanın Sturovo qəsəbəsində qeydə alınıb. O, qonşuların şikayəti əsasında saxlanılıb.

Qonşuların sözlərinə görə, qadın 16 ildir ki Cüzzeppe Verdinin "La Traviata" operasından 4 dəqiqəlik ariyanı gecədən səhərə qədər dinləyir və bu da onları narahat edir. Saxlanılan qadın zorakılıq və pis niyyətli zülm verməkdə ittiham olunur. Günahı sübuta yetiriləcəyi təqdirdə o, 6 aydan 3 ilə qədər həbs cəzası ala bilər.

Qeyd edək ki, qadının dinlədiyi ariyanı Plasido Dominqo ifa edib. Sakinlərdən biri açıqlamasında, "Plasido Dominqonu mən də sevirəm, amma belə yox", - deyib.

Bütün xəbərlər Facebook səhifəmizdə