İndiana ştatındakı məktəbdə silahlı insident olub

Mayın 25-də ABŞ-ın İndiana ştatının Noblsvill şəhərində yerləşən məktəblərin birində baş verən silahlı insident nəticəsində iki nəfər – 13 yaşlı məktəbli və orta yaşlı insan xəsarət alıb. Yaralılar təcili olaraq yaxınlıqdakı xəstəxanaya çatdırılıb. Həkimlər onların vəziyyətini ağır qiymətləndirir. TASS informasiya agentliyi xəbər verir ki, bu barədə ştat polisinin ictimai informasiya məsələləri üzrə əməkdaşı Con Perrin bildirib. Onun sözlərinə görə, atəş açan şəxs saxlanılıb. Cinayətin motivləri barədə hələlik heç bir məlumat verilmir.

Xatırladaq ki, bir həftə əvvəl ABŞ-ın Texas ştatının Santa-Fe şəhərində yerləşən məktəbdə 17 yaşlı şagird atəş açaraq 10 nəfəri qətlə yetirmiş, bir o qədər insanı da yaralamışdı. CNN telekanalının məlumatına əsasən, Noblsvilldə baş verən hadisə ilin əvvəlindən bəri ABŞ məktəblərində qeydə alınan artıq 22-ci oxşar insidentdir.

Bütün xəbərlər Facebook səhifəmizdə

loading...