ABŞ-ın eks-prezidenti ata Corc Buş reanimasiya şöbəsindən palataya yerləşdirilib. Onun səhhəti artıq yaxşılaşıb. Bu barədə Buş ailəsinin rəsmi təmsilçisi Cim Makqrat mediaya məlumat verib.
SİA-nın Vesti.ru-ya istinadən verdiyi xəbərə görə Buş hazırda palatadadır və huşu yerindədir. O, həkimlərlə, ailəsi və dostları ilə danışa bilir, müalicələrə müsbət cavab verir, həmçinin gündən-günə daha da yaxşılaşır.
Ailənin təmsilçisi Makqrat eks-prezidentin adından hər kəsə təşəkkür edib və onun üçün dua edənlərə, şəfa diləyənlərə öz minnətdarlığını bildirib.
Qeyd edək ki, 2017-ci ilin yanvar ayında ata Corc Buş pnevmoniya diaqnozu ilə xəstəxanaya yerləşdirilmişdi. Bu ilin aprel ayında da eyni diaqnoz ilə onu yenidən xəstəxanaya yerləşdiriblər.
Bütün xəbərlər Facebook səhifəmizdə
USD
EUR
GBP
RUB