Suriyanın şimal-qərbində gərginliyin artmasının əsas səbəblərindən biri ABŞ-ın provokativ addımlar atmasıdır. Bu barədə Rusiya Müdafiə Nazirliyi məlumat yayıb.
“Pentaqonun Suriyadakı ABD tərəfdaşı olan qruplaşmalara müasir silahlar verməsi ucbatından Türkiyə Afrinə qarşı əməliyyatlara başlayıb. ABŞ-ın Suriyadakı məsuliyyətsizliyi ölkədəki problemin həllini və Cenevrə prosesini təhdid edir”, - məlumatda qeyd olunub.
Qeyd edək ki, Rusiya Müdafiə Nazirliyi Türkiyə ordusunun Afrində keçirdiyi əməliyyatlarda rus əsgərlərinin təhlükəsizliyini təmin etmək məqsədilə onları Təl-Rüfət bölgəsinə köçürüb.
Bütün xəbərlər Facebook səhifəmizdə