Dövlət Baxçalı: “Qalatasaray” adını dəyişdirsin

“Qalatasaray” adını dəyişdirsin. Axar.az xəbər verir ki, bu sözləri MHP lideri Dövlət Baxçalı Türkiyənin “Qalatasaray” futbol klubunun start heyətində 11 xarici futbolçu ilə meydana çıxmasına münasibət bildirərkən deyib. “11 xarici futbolçudan danışırıqsa, o zaman “aslan” ya da “Qalatasaray” deyilməsin. Adını dəyişdirsin. Belə komanda olar? (gülür) 80 milyon komanda var. Burada belə bir 11-lik düzəltmək olar”, - Baxçalı deyib.

Qeyd edək ki, “Qalatasaray” futbol klubu Türkiyə çempionatının sonuncu turunda “Konyaspor”la oyuna start heyətində 11 xarici futbolçu ilə çıxıb.

loading...