Krım yarımadası qarışır

Muxtar Respublikanın parlament binası qarşısına 10 min nəfər mitinqçi toplaşıb
Krımda mitinqlər davam edir. SİA Ukrayna saytlarına istinadən xəbər verir ki, Krımın parlament binasına yalnız deputatları və hüquq-mühafizə orqanlarının nümayəndələrini buraxırlar. Muxtar Respublikanın Ali Radası qarşısına 10 min nəfər mitinqçi toplaşıb.
Hadisələri müşahidə edən jurnalistlər bildirirlər ki, Krım parlamentinin pəncərələrindən daxildə hansı proseslərin getdiyini görmək mümkündür. Belə ki, hazırda bina ətrafında iki mitinq keçirilir. Mitinqlərdən birini  Krım-tatar Məclisinin tərəfdarları, digərini isə “Rus birliyi” adlı kazak təşkilatı keçirir.
Krım parlamentinin deputatları – Krım-tatar məclisinin lideri Rəfat Çubarov və “Rus birliyi” təşkilatının rəhbəri Sergey Aksenov mitinqçiləri sakitliyə riayət etməyə dəvət ediblər. 
 
Rövşən Nurəddinoğlu

Şərh yaz