Dünya çempionatında iştirak edəcək atletlərin sayı bəlli olub

Sentyabrın 27-dən oktyabrın 6-dək Qətərin paytaxtı Dohada keçiriləcək atletika üzrə dünya çempionatında iştirak edəcək idmançıların sayı bəlli olub. SİA-nın məlumatına görə, mundialda 209 komanda olmaqla 1928 idmançı iştirak edəcək. Bu atletlərin 1039-u kişi, 889-u qadındır. Ötən il keçirilmiş dünya çempionatında qalib olan 44 çempiondan 38-i bu il bir daha özünü sınayacaq.

Qeyd edək ki, dünya çempionatında ölkəmizi Nazim Babyev, Aleksis Kopello (üçtəkanla tullanma), Anna Skidan (çəkicatma) və Evans Kiplaqat (marafon) təmsil edəcəklər.

Bütün xəbərlər Facebook səhifəmizdə

loading...