Cüdoçularımız Daşkənd Qran-Prisində yarışacaqlar

Sentyabrın 20-dən 22-dək Özbəkistanın paytaxtı Daşkənddə cüdo üzrə Qran-Pri yarışları təşkil olunacaq. SİA-nın məlumatına görə, turnirdə Azərbaycan millisi də medallar uğrunda mübarizə aparacaq.

Turnirdə kişilərin yarışında ölkəmizi Oruc Vəlizadə, Kəramət Hüseynov (hər ikisi 60 kq), Nicat Şıxəlizadə, İbrahim Əliyev (hər ikisi 66 kq), Fəqan Quluzadə, Rüfət İsmayılov (hər ikisi 81 kq), Tural Səfquliyev, Aliumar Tumaev (hər ikisi 90 kq), Zelim Kotsoev (100 kq), Uşangi Kokauri və Şahin Qəhrəmanov (hər ikisi 100 kq-dan yuxarı) təmsil edəcəklər.

Qadınların mübarizəsində isə Aişə Qurbanlı, Leyla Əliyeva (hər ikisi 48 kq), Gültac Məmmədəliyeva və Aleksandra-Larisa Florian (hər ikisi 52 kq) birincilik uğrunda yarışacaqlar.

Bütün xəbərlər Facebook səhifəmizdə

loading...