Güləşçimiz dünya çempionatının finalındadır

Estoniyanın paytaxtı Tallində gənc güləşçilər arasında dünya çempionatı sona yaxınlaşır.

SİA-nın xəbərinə görə, altıncı yarış günündə 60, 67, 72, 82 və 97 kq-da çıxış edən yunan-Roma güləşçiləri mübarizəyə qoşulub.
Əsgər Əlizadə mundiala inamlı start verib. Mübarizəyə 1/8 finaldan qoşulan yığmamızın üzvü koreyalı həmkarına heç bir şans tanımayıb. Ancaq 1/4 finalda böyüklər arasında son Avropa çempionatında bürünc medal qazanmış Türkiyə pəhləvanına yenilib. Rəqib finala yüksəldiyi üçün Əsgər avqustun 18-də təsəlliverici görüşə çıxacaq.
Adəm Hacızadə debütdə Səudiyyə Ərəbistanı təmsilçisini çətinlik çəkmədən ilk hissədə tam üstünlüklə məğlub edib. Ancaq daha sonra Finlandiya idmançısıyla bacarmayıb.
Ülvi Qənizadə ilk mərhələdə prinsipial görüşə çıxıb. İlk hissədə qazandığı xallar həmyerlimizə erməni güləşçi üzərində qələbə qazandırıb. Gənclər arasında Avropa çempionu növbəti qarşılaşmada Macarıstan idmançısına vaxtından əvvəl qalib gəlib. Qənizadə iranlı pəhləvanı da üstələyərək yarımfinala vəsiqə qazanıb. Türkiyə güləşçisindən də güclü olan Ülvi adını finala yazdırıb.
Xəyal Mehtiyev debütdə ukraynalı rəqibinə uduzub.

Qeyd edək ki, təsəlliverici görüşlər avqustun 18-də saat 17:00-da, medal qarşılaşmaları isə 19:00-da start götürəcək.

60 kq
1/8 final - Əsgər Əlizadə - Qunvoo Park (KOR) 9:0
1/4 final - Əsgər Əlizadə - Kərəm Kamal (TUR) 6:14
Təsəlliverici görüş - Əsgər Əlizadə - Murtada Nana (ALG)

67 kq
1/16 final - Adəm Hacızadə - Əhməd Fevzi Barahman (KSA) 9:0
1/8 final - Adəm Hacızadə - Elmer Xoakim Mattila (FİN) 4:8

72 kq
Təsnifat - Ülvi Qənizadə - Samvel Qriqoryan (ARM) 5:2
1/8 final - Ülvi Qənizadə - Gergeli Bak (HUN) 9:0
1/4 final - Ülvi Qənizadə - Məhəmmədrza Mahmud Rüstəmi (İRİ) 2:1
1/2 final - Ülvi Qənizadə - İsmayıl Gün (TUR) 4:1
FİNAL - Ülvi Qənizadə - Sergey Stepanov (RUS)

97 kq
Təsnifat - Xəyal Mehtiyev - Aleksandr Yevdokimov (UKR) 3:6

Bütün xəbərlər Facebook səhifəmizdə

loading...